Ástrós 2.jpg

Ástrós samfélagsmiðla-rós H:N

 

Ástrós Kristinsdóttir gekk í raðir viðskiptatengla H:N í upphafi árs. Hún er menntaður viðskiptafræðingur en hún útskrifaðist í fyrra frá Háskóla Íslands. Áður en Ástrós fór að venja komur sínar í Bankastrætið starfaði hún hjá Arion banka sem einstaklingsráðgjafi og fyrir það var hún aðstoðarmaður Dr. Þórhalls Arnars Guðlaugssonar, dósents við viðskiptafræðideild. Þar sinnti hún m.a. rannsóknum og heimildaöflunum fjármálafyrirtækja, þýðingu og umorðun greina tengdum markaðs- og atvinnulífi ásamt markaðsgreiningu og vörumerkjarýni.  

Ástrós er mikil áhugakona um hreyfingu en er algjört stílbrot við samflokksmenn sína, þar sem hún talar alls ekkert mikið um Crossfitferilinn sem nýlega komst á skrið. Óvenjulegt twist sem skýrist sennilega mikið til af því hversu veraldarvön þessi nýjasta viðbót er – en hún hefur farið í tvær heimsreisur, spókað sig um á Machu Picchu, hjólað Death Road og brugðið sér í fallhlífastökk í Nýja Sjálandi. Um páskana stefnir hún svo á ferlega svaðilför, pakkaferð á TENE! 

Þetta ólíkindatól er trúlofað Bolvíkingnum Hafsteini Þór Jóhannessyni og þau eiga saman fjögurra ára dreng, Nóel Þór.  Við hlökkum mikið til að sjá upp á hverju hún tekur innan veggja B9! 

Enga feimni!

Hringdu núna! Við erum samskiptastofa. Það er gott að tala við okkur. 

Bankastræti 9
520-2700
Facebook
Instagram
YouTube

Þú getur skráð þig á póstlistann okkar. Við sendum bara einu sinni í mánuði og segjum bara frá því sem er skemmtilegt.