Við tökum þátt í Samfélagi skapandi strauma

Auðlindagarður HS Orku á Reykanesi er stórmerkilegt tækniframlag, ekki bara á Íslandi heldur á heimsvísu. Þar hefur HS Orka leitt saman mörg af framsæknustu hátæknifyrirtækjum landsins til að samnýta náttúrauðlindir og þekkingarauðlindir í einu allsherjar samfélagi skapandi strauma.

Okkar hlutverk er að örva þessa stórkostlegu sköpun, veita henni umgjörð í vef og útlitshönnun og kynna hana sem víðast í gegnum almannatengsl og auglýsingar.

Flestir Íslendingar vita að einn flottasti og vinsælasti ferðamannastaður landsins er afgangsstraumur af jarðvarmaveri HS Orku – hátæknileg endurnýting, hugmyndarík endursköpun. Sama hugsun liggur að baki tæknigarðinum öllum – og það er lykillinn að hönnun okkar og framsetningu fyrir Auðlindagarðinn. Við sýnum flæði, samnýtingu og sköpun í gegnum hátæknilega upplifun.

Við hvetjum ykkur til að skoða heimasíðu HS Orku og til að fræðast um þessa frábæru nýsköpun.